DAMIEN HAUSER
BIO
Damien Hauser Suitzan bizi den zinemagilea da. Zurichen jaio zen 2001ean, eta 7 urte besterik ez zituela hasi zen film laburrak ekoizten. Zinema ikasi zuen SAEn 2016tik 2020ra eta FILME VON DRAUSSEN ekoiztetxe komertzialarentzat lan egin zuen 2018tik 2020ra. Bere ofizioa praktikatu ahal izateko, lagunek lagundutako film laburrak filmatu zituen eta hainbat proiektu egin zituen: bideo musikalak, antzezlanak eta iragarkiak. Hala ere, bere pasiorik handiena fikziozko narratiba izan da beti. Gaur egun, gidoien zuzendaritza eta idazketa ditu ardatz. After the Long Rain estreinaldi nazionala da AFRIKALDIAN.
ZUZENDARIAREN ADIERAZPENAK
2020an, bost hilabete eman nituen Kenyan BLIND LOVE, nire lehen film luzea, filmatzen eta nire familia ezagutzen. Arreta gehien piztu zidana belaunaldien arteko gatazka izan zen, mundua ikusteko moduari dagokionez. Belaunaldi gazteenak sare sozialetatik sarbidea du mendebaldeko kulturara, adinekoak, berriz, Kenyan hasi ziren, non kultura propioak eta tradizio zaharrak askoz ere garrantzitsuagoak ziren. Baada Ya Masika gatazka honetan zentratzen da eta, Aisharen arrantzale bihurtzeko ametsaren bitartez, istorioa bakarrik garatzen da hainbat ikuspegirekin talka eginez.
Aita Suitzakoa eta ama Kenyakoa izan arren, ni Suitzan hazi nintzen eta, beraz, automatikoki oso mendebaldeko ikuspegia ematen diot film honi. Hala ere, nire helburua filmari dagokionez ez zen hau gaitzestea, baizik eta ahalik eta perspektiba gehienei ahotsa ematea, Mendebaldeko eta Afrikako ikusleek filma ikus dezaten. Pelikularen muina norberaren ametsak jazartzeko grina da, eta mundu guztiak identifika dezakeen gaia da.